Pavlodar oblysynda iri esirtki zerthanasy joıyldy - UQK

PAVLODAR. QazAqparat – Ulttyq qaýipsizdik komıteti 30 shildede kúni Pavlodar oblysy aýmaǵynda sıntetıkalyq esirtkiniń iri jasyryn óndirisin joıý boıynsha operatsııany júzege asyrdy. Bul týraly QazAqparat UQK baspasóz qyzmetine silteme jasap habarlaıdy.

UQK jedel qyzmetkerleri zerdeleý barysynda psıhotroptyq zattardy ázirleý úshin jáne ony odan ári TMD elderinde satý maqsatymen Qazaqstanǵa kelgen sheteldik azamattardy anyqtady.

Tintý barysynda 100 kelige jýyq «a-PVP» psıhotroptyq zaty, prekýrsorlar, sonymen qatar sıntetıkalyq esirtki óndirisine arnalǵan zamanaýı qurylyǵy tabylyp, tárkilendi. Tseh 0,5 gektar aýmaqty alatyn jerde ornalasqan.

QR Qylmystyq kodeksi 297-babynyń 3-bóligi boıynsha tergep-tekserý júrgizilip jatyr.