Pavlodar oblysynda erekshe baǵdarsham paıda boldy

PAVLODAR. QazAqparat - Jaryq dıodty jolaq Aqsý aýdany «Aqsý beketi» avtosaparjaıyndaǵy kólik júretin joldyń shetine qoıylǵan, dep habarlaıdy QazAqparat pavlodarnews.kz-ke silteme jasap. 

Qurylǵy negizgi baǵdarshammen sınhrondy túrde jumys isteıdi. Jobanyń avtory - Abzal Búrikbaev. Jas maman Jaıaý Musa kolledjin bıyl ǵana  «Jylý elektr stantsııalarynyń jylý energetıkalyq qondyrǵylary» mamandyǵy boıynsha bitirgen.

- Jerge ornatylǵan baǵdarsham jaıaý júrginshilerdiń qaýipsizdigin qamtamasyz etýge baǵyttalǵan. Bul joba zaǵıp jandardy qoldaý maqsatynda ázirlendi, - deıdi Abzal Búrikbaev. 

Baǵdarshamnyń ereksheligi - qys mezgilinde qardyń astynan jaqsy kórinedi.

Jobanyń tusaýkeserine Aqsý qalasynyń ákimi Nıkolaı Dychko, jergilikti turǵyndar men stýdent jastar qatysty. Aıta keterligi, qala ákimdiginen qoldaý tapqan joba shaharǵa «Aqyldy qala» júıesin engizgen «BF Group» JShS kompanııasymen júzege asyryldy.