Pavlodar oblysynda endi jeksenbi kúni de avtobýstar júredi

PAVLODAR. QazAqparat – Óńirde bas memlekettik sanıtar dárigerdiń jańa qaýlysy shyqty, dep habarlaıdy QazAqparat tilshisi.

«QR Bas memlekettik sanıtar dárigeriniń № 38 qaýlysynyń talaptary saqtalǵan jaǵdaıda (qarbalas sátte avtobýstar sanyn ulǵaıtý, kondýktordyń bolýy, sońǵy aıaldamada dezınfektsııalaý quraldarymen óńdeý, barlyq esikterdi ashý, tolymdylyǵy otyratyn oryn sany boıynsha, jolaýshylardyń qoǵamdyq kólikterge qorǵanys maskalarynsyz kirýine jol bermeý) qoǵamdyq kóliktiń jumysyna ruqsat beriledi», - delingen Pavlodar oblysy bas sanıtar dárigeriniń 30 qyrkúıektegi №23 jańa qaýlysynda.

Qujat is júzinde aımaqtyń bas memlekettik dárigeriniń 20 qyrkúıektegi qaýlysyna ózgeris engizdi jáne oǵan qol qoıylǵan kúnnen bastap kúshine endi.