Pavlodar oblysynda boran saldarynan bolǵan jol apaty eki adamnyń ómirin qıdy

PAVLODAR. QazAqparat - Pavlodar oblysynda boran saldarynan bolǵan jol apaty eki adamnyń ómirin qıyp ketti. Polıtseıler tekserý júrgizip jatyr, dep habarlaıdy QazAqparat Pavlodarnews.kz saıtyna silteme jasap.

Oblystyq polıtsııa departamentiniń baspasóz qyzmetiniń málimdeýinshe, 23 naýryz kúni saǵat 22:50-de Omby-Maıqapshaǵaı tas jolynyń Novoıamyshevo aýylyna jaqyn boıynda Toyota Camry 20 júrgizýshisi aýa raıyna baılanysty jol kórinbeıtin jerde 25 jastaǵy jigitti qaǵyp ketken. 25 jastaǵy jigit joldy belgilenbegen jerden kesip ótken. Apat saldarynan jaıaý júrginshi oqıǵa ornynda kóz jumdy.
Adam ómirin qıǵan taǵy bir oqıǵa sol kúni saǵat 18:30-da Pavlodar-Lenın kenti jolynda oryn aldy. Munda «Lada Prıora» avtokóliginiń 38 jastaǵy júrgizýshisi qarly boran saldarynan tizginge ıe bola almaı, jol shetindegi jaqtaý temirge soǵylǵan. Júrgizýshi qaza tapty.
Saraptama taǵaıyndaldy. Barlyq faktiler tekserilýde.