Pavlodar oblysynda bir táýlikte 5 sheteldik shekaradan kirgizilmedi

PAVLODAR. QazAqparat - Pavlodar oblysynda bir táýlik ishinde TMD elderiniń bes azamatyna QR aýmaǵyna kirýine tyıym salyndy. QazAqparat bul týraly QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń aqparatyna silteme jasap habarlaıdy.

Pavlodar oblysynda memlekettik shekaradaǵy avtokólik ótkizetin 4 pýnktide azamattardyń el aýmaǵyna kelýine monıtorıng táýlik boıy júrgiziledi.

Sońǵy táýlikte shekaradan 234 adam ótken. Onyń ishinde 81 - jaıaý júrginshi jáne 153 júk kóliginiń júrgizýshisi. Anyqtamasyz kelgen 3 qazaqstandyq karantındik statsıonarǵa ornalastyrylǵan. Avtokólik ótkizý pýnkterinde ótken táýlik ishinde koronavırýstyń rastalǵan jaǵdaılary tirkelgen joq.

Sonymen qatar TMD-nyń 5 azamatynda koronavırýsqa PTR-testileý týraly anyqtamanyń bolmaýyna baılanysty QR aýmaǵyna kirýine tyıym salyndy. Olardyń arasynda Reseıdiń – úsh, Qyrǵyzstannyń eki azamaty bar.

Shekteý sharalary engizilgen sátten bastap oblysqa barlyǵy 71 715 adam keldi. Onyń ishinde halyqaralyq júk tasymalyn júzege asyratyn 45 922 júrgizýshi jáne 25 793 jolaýshy shekaradan ótti. 21 053 PTR-tekserý júrgizildi, sımptomsyz koronavırýstyń 142 jaǵdaıy anyqtaldy.