Pavlodar oblysynda bir táýlikte 5 shetel azamatynyń elge kirýine tyıym salyndy
13:45, 21 Maýsym 2021
PAVLODAR. QazAqparat - Sońǵy táýlikte óńirde Reseıdiń eki, Qyrǵyzstannyń bir jáne bir Tájikstan azamatynyń Qazaqstanǵa kirýine tyıym salyndy, dep habarlaıdy QazAqparat.
Bir táýlik ishinde koronavırýstyń rastalǵan jaǵdaılary anyqtalǵan joq.
«PTR teris nátıjesimen anyqtama bermegen TMD-nyń bes azamatyna elge kirýge tyıym salyndy. Onyń ishinde Reseı Federatsııasynyń eki azamaty, bir Tájikstan azamaty jáne Qyrǵyzstannyń eki azamaty bar», - dep habarlady Pavlodar oblysynyń sanıtarlyq-epıdemıologııalyq baqylaý departamenti.
Epıdemıologtardyń málimetinshe, óńirdegi adamdardyń oryn aýystyrýyna monıtorıng memlekettik shekaranyń tórt avtomobıl ótkizý pýnktinde jalǵasyp jatyr.
«Sońǵy táýlikte shekaradan 818 adam ótti, onyń ishinde 538 jaıaý jáne 280 júk kóliginiń júrgizýshisi. Karantın statsıonaryna 9 qazaqstandyq ornalastyryldy», - dep tolyqtyrdy sanıtarlyq-epıdemıologııalyq baqylaý departamenti.