Pavlodar oblysynda balyq jappaı qyrylyp jatyr
«Atalǵan fakti boıynsha ekologııa jáne balyq ınspektsııasy departamentiniń qyzmetkerleri oqıǵa ornyna baryp, sý synamasyn alyp, tekserip jatyr», – dedi Pavlodar oblysy boıynsha ekologııa departamenti basshysynyń orynbasary Darhan Isjanov.
Buǵan deıin Pavlo.detka Instagram paraqshasynda Pavlodar oblysyndaǵy kólde balyqtyń jappaı qyrylǵany týraly materıal jarııalanǵan bolatyn.
Aqtoǵaı aýdanyndaǵy Shyǵanaq kóliniń jaǵasynda beınerolık túsirgen kýágerdiń aıtýynsha, jaz boıy balyq sharýashylyǵy ınspektsııasy jáne ýchaskelik ınspektor balyq aýlaýǵa ruqsat bermegen.
Al endi «20 jyldan beri eshkim balyq aýlamaıdy, balyqshylardy qýdalaýdyń da qajeti bolmaı qaldy» deıdi kýáger.
Habarlamada aıtylǵandaı, Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasynyń qyzmetkerleri balyq sharýashylyǵy ınspektsııasymen, veterınarlyq qyzmettermen jáne ǵalymdarmen birge osy sý qoımasyna barýǵa ýáde berdi.