Pavlodar oblysynda balabaqsha tárbıelenýshileriniń 90 paıyzy ekpe alýy tıis

PAVLODAR. QazAqparat - Mekeme qyzmetkerlerine vaktsına alǵan jáne almaǵan balalar sanynyń turaqty esebin júrgizý mindetteldi, dep habarlaıdy QazAqparat Pavlodarnews.kz-ke silteme jasap.

Pavlodar oblysynyń sanıtarlyq-epıdemıologııalyq baqylaý departamenti aǵymdaǵy jyly qyzylsha aýrýynyń órshýin toqtatý jáne aldyn alý maqsatynda mektepke deıingi mekeme qyzmetkerleri men kelýshilerine talaptar tizimin jasady. Osyǵan baılanysty Pavlodar oblysy bas memlekettik sanıtarlyq dárigeriniń qaýlysy shyqty.

«Mektepke deıingi mekemeniń tárbıelenýshileriniń 90% ekpe alýy tıis. Al 10% medıtsınalyq kórsetkishterge nemese basqa sebepke baılanysty ekpe almaýyna ruqsat etilgen. Alaıda mekemeden ekpesiz kelgen tárbıelenýshini shyǵarýǵa quqyly emespiz. Juqpaly aýrý belgileri bar balalar men qyzmetkerlerdi ujymdarǵa jibermeý qarastyrylady», - deıdi juqpaly aýrýlar jáne týberkýlezge qarsy epıdemıologııalyq baqylaý bóliminiń basshysy Gúlmıra Qulmaǵambetova.

Aıta keteıik, elimizdiń bas qalalary Almaty men Astana turǵyndarynda qyzylsha aýyrýy tirkelýde. Pavlodar oblysynda epıdemıologııalyq jaǵdaı turaqty.