Pavlodar oblysynda azyq-túlik jármeńkelerin ótkizýge tyıym salyndy

NUR-SULTAN. QazAqparat – Pavlodar oblysy bas sanıtar dárigeriniń óńirdegi shekteý sharalaryna túzetý engizgen jańa qaýlysy shyqty, dep habarlaıdy QazAqparat tilshisi.

Qujat boıynsha 7 tamyz kúni saǵat 00.00-den bastap birneshe sanattaǵy nysandar men qyzmet túrlerine tyıym salynbaq.

Naqtyraq aıtsaq:

- jabyq ǵımarattarda jáne ashyq oryndarda banketter men úılený toılaryn, mereıtoılar men eske alý joralǵylaryn, mıtıng, sherý, kórme, konferentsııa sııaqty halyq kóp jınalatyn basqa da is-sharalardy ótkizýge;

- jeke úı-jaılar men kurylymdardy buqaralyq sharalardy ótkizý úshin jalǵa alýǵa;

- karaoke, kalıan bólmeleriniń, býkmekerlik keńseler men bılıard zaldarynyń, oıyn jáne túngi klýbtardyń, kompıýterlik klýbtar men boýlıng ortalyqtardyń qyzmetine;

- oblysaralyq, oblysishilik, qalaaralyq (Pavlodar-Aqsý, Palodar-Kemeńger, Pavlodar-Zańǵar baǵyttaryn qospaǵanda) avtobýs, shaǵyn avtobýspen jolaýshylar tasymalyna, oblysaralyq, qalaaralyq turaqty emes týrıstik tasymaldarǵa;

- balalarǵa arnalǵan oıyn-saýyq ortalyqtarynyń qyzmetine (oıyn alańdary, jabyq úı-jaılardaǵy attraktsıondar);

- mádenıet obektilerinniń qyzmetine (daıyndyqtar);

- teatrlardyń, kınoteatrlardyń, kontsert zaldarynyń qyzmetine;

- sporttyq is-sharalar ótkizýge (týrnırler, jarystar jáne t.b.);

- eske alýlardy (jabdyqtar) ótkizýge;

- banket zaldarynyń qyzmetine;

- keńesterdi (otyrystardy) oflaın ótkizýge;

- demalys kúnderi azyq-túlik jármeńkelerin uıymdastyrýǵa tyıym salynady.