Pavlodar oblysynda áskerge shaqyrylǵan 1200-ge jýyq adam izdeýde júr
Pavlodar oblysynyń qorǵanys isteri jónindegi departament basshysynyń orynbasary Almasbek Buharbaev málimetinshe, kúzgi áskerı qyzmetke shaqyrý naýqany kezinde jergilikti polıtsııa qyzmetimen birlese otyryp, izdestirý jumystary uıymdastyryldy. Nátıjesinde 250 azamat tabylyp, búginde 1163 azamat áli de izdeýde júr.
«2022 jyly merzimdi áskerı qyzmetke 18-27 jas aralyǵyndaǵy 4798 azamat shaqyrylǵan. Alaıda, sonyń ishinde densaýlyq jaǵdaıyna baılanysty 507 azamat, otbasy jaǵdaıyna baılanysty 202 azamat, bilim alýyna baılanysty 1455 azamat áskerı qyzmetke barmady», – dedi Almasbek Buharbaev.
2022 jyly 200-den astam adamǵa merzimdi áskerı qyzmetten jaltarǵany úshin ákimshilik quqyq buzýshylyq boıynsha hattama toltyrylǵan.
Sondaı-aq departament basshysynyń orynbasary azamattardyń áskerge barýdan bas tartý sebebin túsindirdi.
«Kóp azamattar bir jyl ýaqytyn joǵaltýǵa qorqady. Áskerge barar aldynda olarda «Nege men odan da ol ýaqytta bilimge nemese jumys isteýge jumsamaımyn?» degen sııaqty suraq týyndaıdy. ıAǵnı bul qorqynysh emes», – dep atap ótti Almasbek Buharbaev.
Spıkerdiń sózinshe, búginde áskerge baryp, azamattyq boryshyn ótkep kelgen azamattarǵa jeńildikter qarastyrylǵan. Qorǵanys mınıstri respýblıka boıynsha 50-den astam bilim berý mekemesimen memorandýmǵa qol qoıdy. Áskerı boryshyn ótep kelgen áskerı qyzmetshiler UBT tapsyrmaı grantqa oqýǵa túsip, joǵarǵy bilim ala alady. Sonymen qatar nesıe tóleý merzimi 13 aıǵa toqtatylady jáne kommýnaldyq tólemniń 50 paıyzy tólenedi.
Sonymen qatar Qazaqstanda áskerge bara almaǵandarǵa aqyly túrde áskerı boryshyn óteýge múmkindik beriledi. Pavlodar oblysynda mundaı áskerı jıynnyń quny 304 myń teńgeni quraıdy.
«2022 jyly Qorǵanys mınıstrligi Pavlodardaǵy fılıalynyń áskerı-tehnıkalyq mektebine, ıaǵnı 40 kúndik áskerge 24 jasqa tolǵan 170 azamat jiberildi», – dedi Almasbek Buharbaev.
Aıta keteıik, 2023 jyly óńirde kóktemde 865 azamat merzimdi áskerı qyzmetke shaqyrý josparlanǵan.
Foto: Pavlodar oblysynyń qorǵanys isteri jónindegi departamentiniń baspasóz qyzmeti