Pavlodar oblysynda alıment tólemegen 129 boryshker ákimshilik jaýapkershilikke tartyldy

ASTANA. QazAqparat – Jyl basynan beri Pavlodar oblysynda alıment boıynsha 129 boryshker ákimshilik jaýapkershilikke, 8 boryshker qylmystyq jaýapkershilikke tartyldy. Bul týraly Ekibastuz qalasy men Pavlodar oblysynyń turǵyndarymen kezdesýde Ádlet mınıstri Azamat Esqaraev aıtty, dep habarlaıdy QazAqparat tilshisi.

Mınıstrdiń dereginshe, Pavlodar oblysy boıynsha 310 myń atqarýshylyq is júrgizýdiń 17 myńnan astam qujaty alıment óndiristerine jatady. Alıment óndirip alý uzaq protsess jáne aıtarlyqtaı kúsh-jigerdi qajet etedi. 2023 jyldyń birinshi jartyjyldyǵynda oblysta alıment boıynsha sot aktilerin oryndamaǵany úshin 129 boryshker ákimshilik, 8 azamat qylmystyq jaýapkershilikke tartyldy. Sonymen qatar, alıment boıynsha 240 mln teńgeden astam bereshek óndirildi. Sot oryndaýshylardyń kómegimen 136 boryshker jumysqa ornalastyryldy.

Sondaı-aq, Azamat Esqaraev mobıldy qosymshalarda mınıstrliktiń 32 qyzmeti bar ekenin atap ótti. Onyń 28-i EgovMobile jáne 4-eýi ekinshi deńgeıdegi bankterdiń mobıldy qosymshalarynda ornalastyryǵan.

Kezdesý barysynda óńir jurtshylyǵy atqarýshylyq is júrgizý, jyljymaıtyn múlikti tirkeý, AHAT, notarıat jáne advokattyq qyzmet máselelerin qozǵady.