Pavlodar oblysynda 70-ten astam avtobýs júrgizýshisi rýlde otyryp, fılmder kórgen

PAVLODAR. QazAqparat – Pavlodar oblysynyń tártip saqshylary kóliktik baqylaý ınspektsııasymen birlesip ótkizgen «Avtobýs» jedel aldyn alý is-sharasy barysynda jolaýshylar kóligi júrgizýshileriniń 400-den astam jol qozǵalysy erejesin buzǵanyn anyqtady, dep habarlaıdy QazAqparat Ravlodarnews.kz saıtyna silteme jasap.

Oblystyq polıtsııa departamenti baspasóz qyzmetiniń málimetinshe, onyń basym bóligi - manevr erejelerin buzý, 90 júrgizýshi jazalanyp, 71-i kólik basqarý kezinde uıaly telefondardan fılmder kórgen. Kóbi tehnıkalyq tekserýden ótpegen jáne avtobýsty zańsyz qaıta jabdyqtaǵan.
- Mysaly, polıtseıler Pavlodar - Qyzylorda avtojolynda zańsyz qaıta jabdyqtalǵan GAZ 2217-404 markaly kólikti toqtatty. Avtobýsty paıdalanýǵa tyıym salynyp, memlekettik nómir belgisin alyndy jáne júrgizýshige qatysty QR ÁQBtK-niń 590-baby 7-bóligi boıynsha ákimshilik is júrgizdi. Al Pavlodar qalasynda Torgovaıa kóshesi, 4 mekenjaıy boıynsha «Toıota» markaly kólik quralyn basqaryp, keptelis jasaǵan júrgizýshi ustaldy. Sońǵysyna qatysty QR ÁQBK 594-baby 1-bóligi boıynsha ákimshilik hattama toltyryldy. Qozǵalys kezinde qaýipsizdik belbeýin taqpaǵany úshin GAZ-A65 markaly marshrýttyq taksıdiń júrgizýshisine qatysty QR ÁQBtK-niń 593-baby 2-bóligi boıynsha jaza qoldanyldy, - dep habarlady Pavlodar oblysy polıtsııa departamenti jergilikti polıtsııa qyzmetiniń bastyǵy Ǵalym Sarǵulov.

Túrli buzýshylyqtar úshin mamandandyrylǵan aıyp turaǵyna 23 avtobýs qoıyldy, 28 memlekettik tirkeý nómirlik belgisi alyndy. Sonymen qatar, polıtsııa qyzmetkerleri 244 avtobýstyń tehnıkalyq sáıkestigin tekserdi. Tekserý nátıjeleri boıynsha anyqtalǵan buzýshylyqtar úshin avtoparkterdiń 15 laýazymdy tulǵasyna qatysty QR ÁQBK 617-baby boıynsha ákimshilik materıaldar toltyryldy.
Aıta keteıik, «Avtobýs» jedel aldyn alý is-sharasy 2022 jyldyń 2 naýryzynda aıaqtalady.