Pavlodar oblysynda 5 «jaıly mektep» salynady

PAVLODAR. QazAqparat – Pavlodar oblysynyń ákimi Asaıyn Baıhanov ortalyq kommýnıkatsııalar qyzmetinde ótken brıfıngide óńirde 5 «jaıly mektep» salynatynyn aıtty, dep habarlaıdy QazAqparat tilshisi.

«Jaıly mektep» ulttyq jobasynyń aıasynda oblysta 5,5 myń orynǵa arnalǵan jańa formattaǵy 5 mektep salynady. Olardyń ekeýin bıyl bastaýdy josparlap otyrmyz», - dedi oblys basshysy.

Sondaı-aq, bıyl oblystyń úsh aýylynda jańa mektep salynyp, osy arqyly óńirdegi apatty mektepter máselesin tolyǵymen sheshý kózdelip otyrǵan kórinedi.

«2026 jylǵa deıin jańartýdy qajet etetin 176 mektepti kúrdeli jóndeý josparda bar.

Qalalar men aýdandarda aýlalardy keshendi abattandyrý jumystary júrgizilip jatyr. Bıyl oblystyń qalalary men aýyldarda 230-dan astam aýlany abattandyramyz.

Buqaralyq jáne kásibı sportty damytý baǵytynda 14 dene shynyqtyrý-saýyqtyrý kesheni men túrli formattaǵy 300-den astam jańa sport alańdaryn salynady», - dedi Asaıyn Baıhanov.

Atalmysh sharada oblys ákimi óńirdegi onkologııalyq aýrýlardyń kórsetkishin tómendetý baǵytynda atqarylyp jatqan sharalarǵa toqtaldy.