Pavlodar oblysynda 180 aýla abattandyrylyp, 60 myńǵa jýyq tal egiledi
Energetıka jáne TÚKSh basqarmasynyń basshysy Erjan Salhanov oblystyń qalalary men aýdandaryndaǵy aýlalardy abattandyrý josparlary týraly aıtyp berdi.
- 2022 jyly oblystyń qalalarynda 180 aýlany abattandyrý josparlanǵan, - dedi Erjan Salhanov. – Olardyń ishinde, Pavlodar qalasynda – 153 aýla, Ekibastuzda – 11 jáne Aqsý qalasynda – 16 aýla bar.
Spıkerdiń aıtýynsha, kelesi jyly oblys boıynsha júz paıyzdyq kórsetkishke qol jetkizý úshin 279 aýlanyń aýmaǵyn abattandyrý qajet.
Onyń ishinde, oblys ortalyǵynda – 53, Ekibastuz jáne Aqsý qalalarynda – tıisinshe 182 jáne 44 aýla abattandyrylýy kerek.
Osy maqsatta qala ákimdikteri 2023 jyly iske asyrý úshin jobalardy ázirleý boıynsha jumysty qazirden bastaýlary qajet.
Ábilqaıyr Sqaqov kóktemniń kelýimen abattandyrý máselesi birinshi orynǵa shyǵatynyn atap ótti.
Óńir basshysy qala jáne aýdan ákimderine kógaldandyrý jáne abattandyrý jobalaryn sapaly daıyndaýdy tapsyrdy.
- Oblys ortalyǵyndaǵy 53 aýlany abattandyra otyryp, kórsetkishtiń júz paıyzdyq oryndalýyna qol jetkizemiz degen aqparat durys emes, - dedi Ábilqaıyr Sqaqov. – Barlyq jaýapty organdarǵa abattandyrýdy qajet etetin aýlalardyń sanyn tekserip, naqty qajettilikti anyqtaýdy tapsyramyn.
Abattandyrý jobalaryn talqylaý barysynda Ábilqaıyr Sqaqov bıýdjeti halyqtyń qatysýmen josparlanatyn jobalardy iske asyrý qajettigin atap ótti.
- Memleket basshysy Qasym-Jomart Toqaev bul másele boıynsha jeke tapsyrma bergen edi, - dedi Ábilqaıyr Sqaqov. - Men birneshe ret barlyq ákimderge abattandyrý boıynsha jobalardy ázirleýge jurtshylyqty belsendi tartýdy tapsyrǵan edim.
Asaıyn Baıhanov ótken jyly qala turǵyndarynyń usynystary eskerilgen tórt jobany bekitý merziminiń keshigýine baılanysty olardy 2022 jylǵa aýystyrýǵa týra kelgenin aıtty.
- Búgingi tańda bul jobalar boıynsha konkýrstyq rásimder ótýde, - dep habarlady Pavlodar qalasynyń ákimi. – Bıyl biz olardy tolyǵymen aıaqtap, kelesi jyly osy baǵyt boıynsha jumysty kúsheıtetin bolamyz.
Ábilqaıyr Sqaqov bir jyl ishinde turǵyndardyń qatysýymen abattandyrýdyń tórt jobasyn júzege asyrý oblys ortalyǵy úshin óte tómen kórsetkish ekenin atap ótti.
- Turǵyndar jobany ázirleýge olardy qurý kezeńinde tikeleı qatysýlary tıis, - dedi oblys ákimi. – Biz formalızmdi joıyp, abattandyrý salasynda ıdeıalardy jınaý úshin jurtshylyqtyń qatysý tetigin ázirleýimiz kerek.
Bıylǵy jyly oblysta balalar jáne sport alańdaryn ornatý, saıabaqtar men tynymbaqtardy abattandyrý boıynsha aýqymdy jumys josparlanýda.
Jalpy alǵanda, bıyl oblys aýdandarynda 12 balalar jáne 11 sport alańyn ornatý, 4 saıabaqty abattandyrý kózdelip otyr.
Ýsolka shaǵyn aýdanyndaǵy jaǵalaý munda velosıped joly tóselip, balalar alańy men shaǵyn sáýlet nysandary ornatylǵanan keıin adam tanymastaı ózgeredi.
Ekibastuzda segiz sport alańy, al, Aqsý qalasynda 3 shaǵyn fýtbol alańy ornatylmaq.
Sonymen birge, Erjan Salhanov kógaldandyrýdyń óńirlik jospary boıynsha 2022 jyly oblysta 59 219 aǵash otyrǵyzý josparlanyp otyrǵanyn aıtty.
On altynshy sáýirde oblysta aýmaqty abattandyrý jáne tazalaý boıynsha jyl saıynǵy aılyq bastalady.
Ábilqaıyr Sqaqov qala jáne aýdan ákimderine aılyq barysynda aýmaqty abattandyrý jáne tazalaý boıynsha is-qımyl josparyn ázirleýdi, al energetıka jáne TÚKSh basqarmasyna eldi mekenderdi abattandyrý jáne sanıtarlyq tazartý jumystarynyń barysyn baqylaýda ustaýdy tapsyrdy.