Pavlodar oblysyna 3 myńnan astam adam qonys aýdardy
Oblystyq Jumyspen qamtýdy úılestirý jáne áleýmettik baǵdarlamalar basqarmasynyń basshysy Qaırat Nurmaǵambetov apparat otyrysynda atap ótkendeı, qonys aýdarýshylar men oralmandardy qabyldaýdyń óńirlik baǵdarlamasy túzetý eńgizýdi qajet etedi.
Máselen, basqarma basshysy Ertis aýdanyna beriletin kvotany 24 birlikke, Ýspen aýdanyna beriletin kvotany 10 birlikke kemitip, Ekibastuzda – 15, Baıanaýyl men Sharbaqty aýdandarynda sáıkesinshe, 9 ben 10 birlikke arttyrýdy surady.
«Oralmandar men qonys aýdarýshylardyń ishinde 1444 adam eńbekke qabiletti jasta. Kóship kelgender arasynda jumyspen qamtylý deńgeıi 73% qurady. Olardyń ishinde 840 adam turaqty jumys isteıdi, 146-sy – ózin-ózi jumyspen qamtyǵandar, 66-sy - kásiptik bilim beretin oqý oryndarynyń stýdentteri, ekeýi – Qarýly Kúshter qataryna shaqyryldy», - deıdi Qaırat Nurmaǵambetov.
Bul rette, eńbekke qabiletti jastaǵy azamattardyń jalpy sanynan 340 adam úsh jasqa deıingi balalardy nemese múgedekterdi kútý boıynsha áleýmettik demalysta, 66 adam – stýdentter. Qaırat Nurmaǵambetov aıtyp ótkendeı, 2019 jyly oblys boıynsha jalpy 16513 jańa jumys orny quryldy, onyń ishinde 5445-i – ýaqytsha jumys oryndary.