Pavlodar oblysy onkologııa naýqastarynyń sany boıynsha 3 orynda tur
«Ókinishke qaraı, bizdiń aımaq lastaýshy zattardyń atmosferaǵa shyǵarylýy boıynsha eldegi aldyńǵy oryndaǵy oblystardyń biri ekenin bilesizder. Byltyr shyǵaryndylardyń jalpy kólemi 727 myń tonnaǵa jýyq boldy.
Osy jyldyń birinshi toqsanynda oblys boıynsha emıssııalar kólemi byltyrǵy úsh aımen salystyrǵanda shamamen 1% nemese 1,8 myń tonnaǵa qysqardy», - dedi ol.
Ákimniń sózinshe, óńirdegi ekologııa máselesi aımaqtyń densaýlyq saqtaý júıesin kúsheıtýge májbúr etken.
«Bizdiń óńir, ókinishke qaraı, onkologııa syrqaty boıynsha 3-shi orynda. Osyǵan oraı, buryn bizde bolmaǵan jańa jabdyqty qoldanyp, erte dıagnostıkany keńeıtý esebinen, onkologııalyq naýqastardyń 5 jyldyq ómir súrý kórsetkishin 51%-dan 57%-ǵa deıin arttyryldy. Sondaı-aq, bıyl 16 densaýlyq saqtaý nysanyn jóndeý men jańartýǵa 2 mlrd teńgeden astam qarajat bólindi. 2024 jyldyń naýryz aıynda oblys ortalyǵyndaǵy №1 qalalyq aýrýhanany aýqymdy jóndeý jumystaryn aıaqtaýdy josparlap otyrmyz. 2 jyldyń ishinde 15 myń aýyl turǵynyna arnap 30 jańa medıtsınalyq nysan salý josparda bar. Sonymen qatar, biz bıyl 37 jańa sanıtarlyq kólik satyp alyp, aldymyzdaǵy eki jylda kólik qajettiligin tolyǵymen sheshemiz», - dedi Pavlodar oblysynyń ákimi.