Pavlodar oblysy energetıka jáne TKSh basqarmasyna jańa basshy taǵaıyndaldy

ASTANA. QazAqparat - Pavlodar oblysynyń ákimi Bolat Baqaýovtyń ókimine sáıkes Ermurat Saparbekuly Nurhanov Pavlodar oblysy energetıka jáne turǵyn úı-kommýnaldyq sharýashylyq basqarmasynyń basshysy bolyp taǵaıyndaldy. Bul týraly oblys ákimdiginiń baspasóz qyzmeti habarlady.

Ermurat Saparbekuly 1979 jyly týǵan. Bilimi joǵary. 2006 jyly S. Toraıǵyrov atyndaǵy Pavlodar memlekettik ýnıversıtetin ınjener júıe tehnık mamandyǵy boıynsha aıaqtady.

Eńbek jolyn 2002 jyly Sharbaqty aýdanynyń Chıgırınovka orta mektebiniń kompıýter klassyn jabdyqtaý jónindegi ınjeneri bolyp bastady.

2003 jyldan bastap 2012 jylǵa deıin Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminde bas maman, sektor, bólim meńgerýshisi, basshy orynbasary qyzmetterin atqardy.

2012-2013 jyldar aralyǵynda Pavlodar qalasynyń Turǵyn úı ınspektsııasy bóliminiń basshysy boldy. 2013-2014 jyldary - Pavlodar qalasy ákiminiń orynbasary boldy. 2014-2015 jyldar aralyǵynda Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy bolyp qyzmet atqardy.

2015 jylǵy maýsymnyń 22-nen bastap ózdiginen jumys atqarýda.