Pavlodar oblystyq PD-nyń burynǵy bastyǵy Nurlan Másimovke izdeý jarııalandy
18:15, 03 Maýsym 2022
NUR-SULTAN. QazAqparat - QR Sybaılas jemqorlyqqa qarsy is-qımyl agenttigi Pavlodar oblysy Polıtsııa departamentiniń burynǵy bastyǵy Nurlan Másimovke izdeý jarııalandy, dep habarlaıdy QazAqpaart.
«Asa aýyr sybaılas jemqorlyq qylmys jasaǵany úshin 1973 jyly týǵan Másimov Nurlan Myrzahanuly izdestirilýde.
Kúdiktini anyqtaý nemese onyń ornalasqan jeri týraly qandaı da bir aqparat bolǵan jaǵdaıda Agenttiktiń kórsetilgen telefondary boıynsha habarlaýdy suraımyz: call-tsentr 1424; +7 (7172) 909 260; +7 (727) 278 7300; +7 (707) 978 0808» delingen habarlamada.
Málimetke saı, izdeýdegi kúdiktiktiniń ornalasqan jeri týraly aqparat bergen adamǵa 4 000 aılyq eseptik kórsetkishke (AEK) deıin syıaqy kózdelgen. Sondaı-aq, habarlamanyń qupııalylyǵyna kepildik beriledi.