Pavlodar oblysynyń turǵynynan quny 2 mlrd teńge bolatyn kıik múıizderi tabyldy

<p>Pavlodar oblysynyń turǵynynan quny 2 mlrd teńge bolatyn kıik múıizderi tabyldy. Múıizderdi oblystyq Polıtsııa departamentiniń uıymdasqan qylmysqa qarsy kúres basqarmasy men Ulttyq qaýipsizdik komıtetiniń óńirlik departamentiniń qyzmetkerleri tárkiledi, dep habarlaıdy <a href="https://kaz.inform.kz/" target="_blank" rel="noopener">Kazinform</a> <a href="https://t.me/POLICE_of_KZ" target="_blank" rel="noopener">Polisia.kz</a> saıtyna silteme jasap.</p>

Ustalǵan Aqsý qalasynyń 49 jastaǵy turǵynynyń garajyn tintý kezinde kıik múıizderi saqtalǵan 8 jáshik tabyldy. Jalpy salmaǵy 170 kelige jýyq bolatyn Qyzyl kitapqa engen janýardyń 800-ge jýyq múıizi tárkilendi.

- Osy fakti boıynsha QR QK-niń 339-babynyń 1-1-bóligi boıynsha sotqa deıingi tergeý bastaldy. Kúdiktige qatysty kelý týraly mindetteme túrindegi bultartpaý sharasy tańdaldy. Birqatar saraptama taǵaıyndaldy, sonyń ishinde bıologııalyq jáne trassologııalyq. Ustalǵandardyń memleketke keltirgen zııany shamamen 2 mlrd teńgeni qurady, - dedi Pavlodar oblysy Polıtsııa departamentiniń bastyǵy Vasılıı Sklıar.