Pavlodar oblysyndaǵy órt: Áskerı ushqyshtar kómekke keldi

<p>ASTANA. KAZINFORM &ndash;<strong> Qorǵanys mınıstrliginiń ushqyshtary órt sóndirýge jumyldyryldy</strong><strong>.</strong></p>

Pavlodar oblysynyń Jeltaý aýylynda bolǵan iri órtti sóndirý úshin Tótenshe jaǵdaılar mınıstrligi bólimshelerine Áýe qorǵanysy kúshteriniń áskerı ushqyshtary kómekke keldi.

Aspaly sý tógetin tsısternalardy paıdalana otyryp, Mı-17 bortynyń ekıpajy táýlik ishinde shamamen 36 tonna sý tastady. Bul sharalar jetýi qıyn aımaqtarda órttiń taralýyn aıtarlyqtaı azaıtýǵa múmkindik berdi.

Eske sala keteıik, 6 qazan kúni Baıanaýylda jer órtenip, bir aýyldyń turǵyndary qaýipsiz aýmaqqa kóshirildi.

Órt shalǵan jerge jaqyn ornalasqan Jumat Shanın aýylyna qaýip tónip turǵan joq

Al búgin túske taman Pavlodar oblysynyń ákimi Baıanaýyldaǵy órttiń oqshaýlanǵanyn habarlady.

Tikushaqtar Pavlodar men Qaraǵandy shekarasyndaǵy órt oshaqtaryna 22 tonna sý tókti.

QR Tótenshe jaǵdaılar mınıstrliginiń baspasóz qyzmeti Qaraǵandy oblysynda tutanǵan dala órtine baılanysty tyń málimetterdi jarııalaǵanyn jazǵan bolatynbyz.