Pavlodar oblysynda júk kólikterin zańsyz esepke qoıý arqyly 1,5 mlrd teńge shyǵyn keltirgen — QMA

<p>ASTANA. KAZINFORM &mdash; Qarjylyq monıtorıng agenttigi materıaldyq paıda alý maqsatynda alys shetelderden kólik quraldaryn zańsyz bastapqy tirkeýdi júzege asyrǵan adamdar tobyn anyqtady.&nbsp;</p>

Bul tulǵalar 2021 jyldyń maýsym-tamyz aılary aralyǵynda júıeli negizde materıaldyq syıaqy úshin Pavlodar oblysynda 150-den astam júk kólikterin bastapqy tirkeýge zańsyz qoıýdy júzege asyrǵany anyqtaldy.

«Olar alǵashqy tirkeý úshin alym tólengeni týraly jalǵan túbirtekterdi paıdalanyp, aqparattyq júıege kórineý jalǵan málimet engizgen. Bul jaıt bastapqy tirkeý úshin tóleýden jaltaryp, memleketke jalpy somasy 1,5 mlrd teńgeden astam zalalǵa ákep soqtyrdy», — delingen habarlamada. 

Sottyń sanktsııasymen barlyq zańsyz tirkelgen kólik quraldaryna tyıym salyndy, kúdiktilerge qatysty «qamaýda ustaý» jáne «úı qamaqqa alý» túrindegi bultartpaý sharalary tańdaldy. 

QR QPK-niń 201-babyna sáıkes tergeý múddesi úshin ózge de aqparat jarııalaýǵa jatpaıdy.

QR Konstıtýtsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.