Pavlodar oblysynda jol apatynan 3 adam mert boldy

<p>PAVLODAR. KAZINFORM &mdash; Pavlodar-Semeı tasjolynda kólik apatynan 3 adam mert bolyp, bir adam qalalyq aýrýhanaǵa jetkizildi, dep habarlaıdy Kazinform tilshisi.</p>

Óńirlik Polıtsııa departamentiniń habarlaýynsha, oqıǵa 8 qańtar kúni Aqqýly aýdany Tilektes aýyly mańynda bolǵan. 

Aldyn ala málimet boıynsha, Kia Sportage kóliginiń júrgizýshisi qar kúreıtin kólikti ozyp óte bergende qarsy jolaqqa shyǵyp ketken jáne KamAZ júk kóligimen betpe-bet soqtyǵysqan. 

Foto: Pavlodar oblysy PD

— Apat saldarynan Kia kóliginiń júrgizýshisi men eki jolaýshy sol jerde jan tapsyrdy. Al bir jolaýshy túrli jaraqattarmen qalalyq aýrýhanaǵa jatqyzyldy. Soqtyǵysqan kólikter arnaıy turaqqa qoıyldy, — dep habarlaıdy Pavlodar oblysy PD baspasóz qyzmeti.

Foto: Pavlodar oblysy PD

Oblystyq jedel járdem stansasynyń deregine saı, shaqyrtý 20:35–te túsken. Qalalyq aýrýhanaǵa 53 jastaǵy er adam jetkizildi. Jaraqat alǵan taǵy bir jolaýshy — 61 jastaǵy er kisi aýrýhanaǵa barýdan bas tartqan.

Buǵan deıin Ulytaý oblysynda jol apatynan úsh adam kóz jumǵan edi.