Pavlodar oblysynda jyl basynan 70 adamdy kene shaqqan

<p>PAVLODAR. KAZINFORM &mdash; Mamandar ońtústik óńirdiń jándikterimen salystyrǵanda bizdiń oblystaǵy keneler asa qaýipti emes ekenin aıtady. Olar týlıaremııa, kenelik rıkketsıoz aýrýlaryn týdyrýy múmkin.</p>

Jyl basynan beri Pavlodar oblysynda 70 adamdy kene shaǵý faktisi tirkelip, olar medıtsınalyq kómekke júgingen.

Foto: Pavlodar oblysy Óńirlik kommýnıkatsııalar ortalyǵy

«Bizdiń óńirimizde kezdesetin keneler adamdy shaqqanymen asa qaýipti aýrýlarǵa sebep bola almaıdy. Olar týlıaremııa, kenelik rıkketsıoz aýrýlaryn týdyrýy múmkin. Kóbine Pavlodar, Aqsý, Aqqýly, Sharbaqty, Maı aýdandarynyń jaıylmalarynda kezdesedi. Bul jándikter kene entsefalıti aýrýyn týdyrmaıdy. Byltyr 9 adamda kene rıkketsıozy tirkeldi. Barlyq jaǵdaılar naýqastardyń saýyǵymen aıaqtaldy. Bıyl 5 aıda kene rıkketsıozynyń 3 jaǵdaıy anyqtaldy», - deıdi Óńirlik sanıtarııalyq-epıdemıologııalyq baqylaý departamentiniń bólim basshysy Quralaı Ábdirahmanova.

Mamandardyń sózinshe, kene maýsymy jaz boıy jalǵasady, tek alǵashqy qar túskende ǵana qaýipti kezeń aıaqtalady.

Eske sala keteıik, SQO-da kún jylynǵaly kene shaqqan 350 adam dárigerge qaraldy.

 

Foto: