Pavlodar oblysynda sý tasqynyna qarsy sharalar bastaldy

<p>PAVLODAR.KAZINFORM &mdash; &laquo;Kóktem-2024&raquo; respýblıkalyq komandalyq-shtabtyq oqý-jattyǵýy sheńberinde eldi mekenderdi qardan arshý sharalary júrip jatyr. Jalpy kólemi 491 myń tekshe metr qar syrtqa tógilgen.</p>

Pavlodar oblysy ákiminiń orynbasary Dáýren Jambaıbektiń habarlaýynsha, oqý-jattyǵý barysynda ótken jyldardaǵy sý basý jaǵdaılary eskerilip, qaýipti ýchaskelerde tasqynǵa qarsy jumystar bastalyp ketti. 

«Oblys boıynsha 40 sharany júzege asyrý josparlanǵan. Bul degenimiz, sý ótkizetin qubyrlar men sýaǵar arnalardy tazartý, qar kóp jınalǵan eldi mekenderdi qardan arshý. Qutqarý jasaqtaryndaǵy tehnıkalar men quraldardyń ahýalyn tekserý», - dep atap ótti ol.

Óńirlik tótenshe jaǵdaılar departamenti tótenshe jaǵdaıdy joıý basqarmasynyń bastyǵy Shákir Ahmetov aımaq boıynsha 43 eldi meken aıryqsha baqylaýda turǵanyn jetkizdi. Olarǵa negizinen jazǵyturym ózender arnasynan asqanda nemese qar jyldam erigende qaýip tónedi.

Qazir turaqty monıtorıng júrgizilip jatyr.

Baıanaýyl aýdany ádettegishe sý tasqyny boıynsha eń qaýipti aımaqtardyń biri sanalyp otyr. Munda 17 eldi mekendi sý basýy ábden yqtımal. Sý tasqyny qaýpin azaıtý úshin aýdandaǵy kóltabandardy qalpyna keltirý jobasy byltyr bastalyp ketti. Joba quny — 5 mlrd teńge.