Pavlodar oblysynda shetinep ketken sábı: densaýlyq saqtaý basqarmasy pikir bildirdi

<p>Vedomstvonyń málimetinshe, 8 aılyq balanyń salmaǵy jasyna sáıkes kelmeıdi, dep habarlaıdy <a href="https://kaz.inform.kz/" target="_blank" rel="noopener">Kazinform </a><a href="https://pavlodarnews.kz/pavlodar-oblisinda-%D3%A9l%D1%96-tabil%D2%93an-s%D3%99bige-%D2%9Batisti-ti%D2%A3-a%D2%9Bparattar-aytildi" target="_blank" rel="noopener">Pavlodarnews.kz</a>-ke silteme jaap.</p>

«Jedel járdem stantsııasyna 17 qazan kúni qońyraý kelip tústi. Onda sábıdiń kógerip, tynys almaı jatqany jáne denesiniń sýyq ekeni aıtylǵan. Dáriger kelgen kezde bıologııalyq ólim anyqtaldy», — delingen basqarmanyń habarlamasynda.

Bala sot-medıtsınalyq saraptamaǵa jetkizilip, onda aýtopsııa júrgizildi. Atap óterligi, shetinegen balanyń jasyna salmaq sáıkes kelmeıdi. Ólimniń túpkilikti sebebi gıstologııalyq zertteý nátıjelerin alǵannan keıin belgili bolady.

Búgingi tańda densaýlyq saqtaý basqarmasy osy ólimge baılanysty taldaý júrgizýde.

«2023 jyly naýryz aıynda dúnıege kelgen bala 4-5 aıyna deıin tirkelgen jeri boıynsha ıaǵnı Pavlodar qalasynyń № 3 emhanasynda baqylaýda bolǵan. Nevropatolog pen hırýrgtyń tekserý jazbalarynda balanyń densaýlyǵy jaqsy ekeni jazylǵan», — deıdi aq jeleńdiler.

Densaýlyq saqtaý basqarmasyndaǵylar medıtsınalyq uıymdar bir jasqa deıingi balalardy josparly tekserip-qaraýdy, sondaı-aq jańa týǵan nárestelerdi týǵan kezinen bastap 28 kúnge deıin úıde patronajdaýdy júrgizetinin aıtady.

Sonymen qatar, densaýlyq saqtaý basqarmasy analardy josparly tekserýlerden ótkizýge shaqyrady.

Eske sala keteıik, Ekibastuz qalasynyń Shiderti kentindegi páterlerdiń birinen 8 aılyq balanyń zorlyq belgileri joq máıiti tabyldy. Bul fakt týraly polıtsııaǵa anasy habarlady.