Pavlodar oblysynda polıtsııa avtoparki 215 jańa kólikpen tolyqty

<p>Kólik kiltin tártip saqshylaryna aımaq basshysy tabystady, dep habarlaıdy&nbsp; <a href="https://pavlodarnews.kz/admin/Pavlodarnews.kz." target="_blank" rel="noopener">Pavlodarnews.kz.</a></p>

Oblystyq polıtsııa departamentiniń baspasóz qyzmetiniń málimdeýinshe, «Qulager» ıppodromynda Pavlodar oblysynyń ákimi Asaıyn Baıhanov polıtseılerge 215 jańa qyzmettik avtomashınalardyń kiltterin tabystady. Onda JAC, KIA jáne Chevrolet Cobalt markaly avtokólikter ýchaskelik polıtsııa ınspektorlary men patrýldik polıtsııa batalony men rotasynyń ınspektorlary, sondaı-aq qalalyq jáne aýdandyq polıtsııa basqarmalary men bólimderi arasynda taratylady.

- Óńirde oblystyń quqyq qorǵaý salasynyń materıaldyq-tehnıkalyq bazasyn jaqsartý úshin barlyq jaǵdaılar jasalýda. Jańa kólikterdiń kópshiligi alǵash ret aýyldyq eldi mekenderge jiberiletini kóńil qýantady. Quqyqtyq tártipti qamtamasyz etýdiń basty sharttarynyń biri turǵyndardyń senimi bolyp tabylady. Sondyqtan, sizderdiń adal eńbekterińiz ben qyzmetterińizge degen jaýapkershilikterińiz turǵyndarymyzdyń qaýipsizdigin qamtamasyz etýdiń kepili bolýǵa tıis, - dedi Asaıyn Baıhanov.

Polıtsııa avtomashınalaryn satyp alý "Ónerkásipti damytý qory"AQ lızıngtik baǵdarlamasy boıynsha júrgizildi. Alynǵan avtomobılder belgilengen standarttarǵa tolyq saı, qajetti tehnıkalyq quraldarmen jabdyqtalǵan jáne pavlodarlyq quqyq qorǵaýshylarǵa qoǵamdyq tártipti buzýshylyqtarǵa odan da jedel den qoıýǵa múmkindik beredi.

Polıtseıler aldynda sóz sóılegen oblys basshysy sońǵy jyldary óńirde barlyq negizgi baǵyttar boıynsha qylmys deńgeıin tómendetýdiń turaqty úrdisi saqtalǵanyn atap ótti. Ol quqyqtyq tártip saqshylary táýlik boıy azamattardyń memlekettiń tynyshtyǵy men qaýipsizdigin qamtamasyz etetinin, sondyqtan polıtsııa qyzmetkerleri úshin jańa kiltterdi tapsyrý qýanyshty ekenin atap ótti.

Oblystyq Polıtsııa departamentiniń bastyǵy Vasılıı Sklıar oblys basshylyǵyna polıtsııany materıaldyq-tehnıkalyq qamtamasyz etýge kóp kóńil bólgeni úshin alǵysyn bildirdi, bul óńirdegi jedel jaǵdaıdy jaqsartýǵa tikeleı áser etedi. Ol Pavlodar polıtsııasy qylmysqa qarsy kúresti júzege asyrý úshin barlyq qajetti jaǵdaılar men múmkindikterge ıe bola otyryp, oblystyń árbir turǵyny tynysh demalyp, bizdiń Otanymyz – Qazaqstan Respýblıkasynyń ıgiligi úshin jumys isteýi úshin qoǵamdyq tártipti saqtaý boıynsha barlyq kúsh-jigerin jumsaıtynyna sendirdi.

Іs-shara sońynda jaryq-dybys sıgnaldary qosylǵan jańa avtokóliktiń saltanatty sherýi ótti.