Pavlodar oblysynda múmkindigi shekteýli jan úı kezeginen zańsyz shyǵarylǵany anyqtaldy
«Pavlodar oblysynyń múmkindigi shekteýli turǵyny (kórý qabileti boıynsha 1-toptaǵy) 2006 jyly kommýnaldyq turǵyn úı qorynan turǵyn úı alý úshin kezekke turǵan. Biraq 18 jyldan keıin, 2024 jyly ony monıtorıng anyqtaǵan kúıeýiniń jyljymaıtyn múlikke menshik quqyǵy tirkelýine baılanysty bul kezekten shyǵaryp tastaǵan. Tirkeýge alynǵan sátten bastap, onyń turǵyn úıiniń bar-joǵy týraly qalalyq turǵyn úı qomıssııasy birneshe ret teksergen», - dedi Joǵarǵy sottan.
Áıel kommýnaldyq turǵyn úı qorynan ózin turǵyn úıge muqtajdar tiziminen shyǵarý týraly sheshimdi zańsyz dep taný jáne turǵyn úı kezegin qalpyna keltirý týraly talap qoıyp, sotqa júgindi. Talap qoıýyn onyń páter ıesi emestigimen, bul páterde turýǵa jaǵdaıdyń joqtyǵymen, ortalyqtandyrylǵan jylý nemese káriz júıesi bolmaýymen, páter jóndeýdi qajet etetindigimen túsindirdi. Birinshi satydaǵy sot talap qoıýdy qanaǵattandyrýdan bas tartty.
Apellıatsııa isti qaraı kele, talap qoıýshynyń kúıeýiniń jalpy aýdany 44 sharshy metr, eki bólmeli páteri 4 adamnan turatyn otbasynyń turýyna jetkiliksiz ekendigin eskerdi.
«Turǵyn úı qatynastary týraly» zańnyń 69-babynyń 4-tarmaǵyna sáıkes turyp jatqan turǵynjaıy belgilengen sanıtarııalyq jáne tehnıkalyq talaptarǵa saı kelmese azamattar turǵyn úıge muqtaj dep tanylady. 2011 jylǵy áleýmettik-turmystyq jaǵdaıdy tekserý aktisi boıynsha úıde sý men jylý joq, káriz júıesi jumys istemeıtini anyqtaldy. ıAǵnı, bul turǵyn úı turmys jaǵdaıyna saı emes. Sot talap qoıýshyny kommýnaldyq turǵyn úı qorynan turǵyn úıge muqtaj dep tanydy jáne ákimshilik organnyń senimgerlik quqyǵyn qorǵaý qaǵıdasyn buzýy anyqtaldy (ákimshilik protseske qatysýshynyń ákimshilik organnyń qyzmetine senimi, ÁRPK-tiń 13-baby). ÁRPK-niń 12 jáne 14-baptaryna sáıkes, ákimshilik organǵa, laýazymdy adamǵa ákimshilik protseske qatysýshynyń quqyǵyn júzege asyrýdan bas tartýǵa, shekteýge nemese toqtatýǵa, sondaı-aq oǵan belgilenbegen talaptardy saqtaý mindetin júkteýge tyıym salynady. Ákimshilik rásimder týraly zańnamanyń barlyq kúmánderi, qaıshylyqtary men túsiniksizdikteri ákimshilik rásimge qatysýshynyń paıdasyna túsindiriledi», - delingen habarlamada.
Zańdylyq, proportsıonaldylyq, senim quqyǵyn qorǵaý, quqyqtardyń basymdyǵy qaǵıdattaryn eskere otyryp, ádildik pen parasattylyq ólshemsharttaryna súıene otyryp, áıeldiń talap aryzy tolyq kólemde qanaǵattandyryldy.
Apellıatsııalyq qaýly zańdy kúshine endi.