Pavlodar oblysynda múgedektigi bar balalardy uryp-soǵý derekterin anyqtady

<p>PAVLODAR. KAZINFORM &ndash; Jumyspen qamtýdy úılestirý jáne áleýmettik baǵdarlamalar basqarmasynyń &laquo;Arnaýly áleýmettik qyzmetter kórsetýdiń oblystyq psıhonevrologııalyq balalar ortalyǵy&raquo; KMM-niń beınebaqylaý kameralaryn qaraý kezinde tárbıeshi tarapynan kámeletke tolmaǵandardy uryp-soǵýdyń birneshe faktileri anyqtaldy.</p>

Bul týraly Pavlodar oblystyń prokýratýrasynyń baspasóz qyzmeti málim etti.

Baspasóz qyzmetiniń málimetterine qaraǵanda, tárbıeshiler uryp-soqqan densaýlyq jaǵdaıy boıynsha dármensiz jáne psıhonevrologııalyq patologııasy bar únemi kútimdi qajet etetin balalar.

Kámeletke tolmaǵandardy qınaý belgileri boıynsha Ortalyqtyń qyzmetkerlerine qatysty QR Qylmystyq kodeksiniń 110-baby boıynsha sotqa deıingi tergep-tekserý bastalyp, ol Polıtsııa departamentine tapsyryldy.

Ózge aqparat tergeý múddesinde QR Qylmystyq-protsestik kodeksiniń 201-babyna sáıkes jarııa etilmeıdi. Tekserýler jalǵasýda.

Sondaı-aq baspasóz qyzmetiniń habarlaýynsha, Pavlodar oblysynda «Baqytty jáne qaýipsiz balalyq shaq» jobasyn iske asyrý jalǵasýda, onyń aıasynda qadaǵalaý organy zorlyq-zombylyq jáne basqa da quqyqqa qaıshy áreketterdiń qaýpi bar «táýekel aımaǵyndaǵy» balalardy anyqtaý boıynsha jumys júrgizýde.

Osy rette Pavlodar oblysynyń prokýratýrasy arnaýly áleýmettik qyzmetter kórsetetin uıymdarda turatyn kámeletke tolmaǵandardyń, sondaı-aq jetim balalar men ata-anasynyń qamqorlyǵynsyz qalǵan balalardyń qaýipsizdigin qamtamasyz etý máseleleri boıynsha tekserý júrgizýde.