Pavlodar oblysynda ken ornynda ishinde adamdar bar avtobýs jer astyna túsip ketti

<p>Pavlodar oblysynyń Baıanaýyl aýdanyndaǵy &laquo;Maıqaıyń-altyn&raquo; AQ shahtasynyń janynda topyraq opyryldy. Saldarynan ishinde 4 jolaýshy bar avtobýs tazartý keńistigine qulap ketti, dep habarlaıdy <a href="https://www.inform.kz/" target="_blank" rel="noopener">Kazinform</a>.</p>

Qazir opyrylǵan jerdiń tereńdigi — 150 metr, uzyndyǵy — 150-200 metr, eni — jarty shaqyrym dep shamalanyp otyr. Apattyq-qutqarý jumystary júrgizilýde.

Avtobýs jer astyna 4 qańtar túngi saǵat 01:25 shamasynda qulaǵan.

Onyń ishinde qutqarýshylar men júrgizýshi boldy.

«Apat kezinde avtobýsta 4 adam — kásibı áskerılendirilgen avarııalyq-qutqarý qyzmetteriniń respýblıkalyq ortalyq shtaby Pavlodar fılıalynyń 3 qutqarýshysy men júrgizýshi boldy. Shahtadan 33 jumysshy evakýatsııalandy, olardyń ómiri men densaýlyǵyna qaýip tónip turǵan joq, » — dep habarlady Pavlodar oblysy TJD baspasóz qyzmetinen.

Jedel shtab qurylyp, oqıǵa ornynda Pavlodar oblysynyń ákimi Asaıyn Baıhanov, TJD men jergilikti atqarýshy organdardyń basshylyǵy júr.

Psıhologtar jumys isteýde.

Qutqarý jumysyna 40-tan astam adam, 13 tehnıka jáne dron jumyldyrylǵan.