Pavlodar oblysynda frantsýzdyq ınvestordy 100 mln teńge zańsyz tóleýge mindettegen

<p>Bas prokýratýra frantsýz ınvestorynyń quqyǵyn qorǵady, dep habarlaıdy <a href="https://kaz.inform.kz/" target="_blank" rel="noopener">Kazinform</a> vedomstvonyń baspasóz qyzmetine silteme jasap. &nbsp;&nbsp;</p>

«Prokýratýra organdary Memleket basshysynyń tapsyrmasyna sáıkes mańyzdy ınvestıtsııalyq jobalardy súıemeldeý boıynsha jumysty jalǵastyryp jatyr. Problemalardy tıimdi sheshý, ınvestorlardyń quqyǵy men zańmen qorǵalatyn múddelerin qalpyna keltirý bolyp tabylatyn basty mindet qadaǵalaý qyzmetiniń basym baǵyttarynyń biri. Bas prokýratýra men «Kazakh Invest» UK» AQ (Task Force) birlesken jumysy sheńberinde 2018 jyldan bastap Pavlodar munaı-hımııa zaýytynda sýtekterdi óndirý jónindegi jobalardy iske asyratyn «Air Liquide» frantsýz ınvestorynyń problemasy anyqtaldy. Atalǵan frantsýz kompanııasy ónerkásip, densaýlyq saqtaý jáne ekologııa úshin gaz óndirýde álemdik kóshbasshy bolyp tabylady. Pavlodar oblysynyń salyq organdary ınvestordyń atyna 99,8 mln teńge somasyna QQS jáne kedendik baj tóleý týraly habarlamany zańsyz engizgen. Investorǵa ımporttalatyn taýardyń jiktelýin durys anyqtamaǵan», - delingen Bas prokýratýra habarlamasynda.

Prokýratýranyń qadaǵalaý aktisi boıynsha 3 kún ishinde habarlama joıyldy. Jol berilgen buzýshylyq úshin Pavlodar oblysy Memlekettik kirister departamentiniń laýazymdy tulǵasy tártiptik jaýapkershilikke tartyldy.

Jalpy, búginde prokýrorlar ınvestorlardyń 85 problemalyq keısin sheshti. Bul jumys jalǵasyp jatyr jáne Bas prokýratýra basshylyǵynyń baqylaýynda.