Pavlodar oblysynda bir táýlikte úsh adam sýǵa batyp ketti

<p>PAVLODAR. KAZINFORM &ndash; Pavlodar oblysynda eki jasóspirim kólge batyp ketti. Aǵaıyndylar &ndash; 11 jáne 13 jasta. Sondaı-aq Pavlodardaǵy ortalyq jaǵajaıǵa shomylýǵa barǵan stýdenttiń denesi sý astynda qaldy. Jas jigitti izdeý jumystary áli jalǵasyp jatyr.&nbsp;</p>

Qaıǵyly oqıǵa túngi saǵat birdiń shamasynda Toraıǵyr kólinde bolǵan. 

– 28 maýsym kúni saǵat 00:58-de Toraıǵyr kólinde 2011 jáne 2013 jyly týǵan aǵaıyndy eki jigit sýǵa túsýge tyıym salynǵan jerde sýǵa batyp ketti. 2013 jyly týǵan jasóspirimniń denesi sýdan shyǵaryldy, - dep habarlady oblystyq tótenshe jaǵdaılar departamenti. 

Tórt saǵattan keıin qutqarýshylar ekinshi balanyń denesin tapty. Qalanyń ortalyq jaǵajaıynda sýǵa batyp ketken jas jigitti izdeý jumystary áli jalǵasyp jatyr. 

– Jas jigitti izdeýge 10 qutqarýshy men 4 sý kóligi jumyldyryldy, - dep jazdy óńirlik tótenshe jaǵdaılar departamenti.