Pavlodar oblysynda bopsalaýmen aınalysqan qylmystyq top ustaldy

<p>Pavlodar oblysy polıtsııa departamenti uıymdasqan qylmysqa qarsy kúres basqarmasynyń jedel ýákilderi prokýratýranyń úılestirýimen bopsalaýmen aınalysqan qylmystyq topty ustady. <a href="https://kaz.inform.kz/" target="_blank" rel="noopener">Kazinform</a> bul týraly<a href="https://polisia.kz/" target="_blank" rel="noopener"> Polisia.kz</a>-ke silteme jasap habarlaıdy.&nbsp;</p>

Qylmystyq top quramyna jasy 25 pen 35 aralyǵyndaǵy adamdar kirgen. Qazirgi ýaqytta kúdiktilerdiń bopsalaýdyń bes faktisine qatysy bar ekeni anyqtaldy. Sonymen qatar top músheleriniń Pavlodar oblysynyń aýmaǵynda qarýdy qoldanýmen buzaqylyq jasaýǵa jáne páter urlyǵyna qatysy bar-joǵy da tekserilip jatyr.

Tintý sharalarynyń nátıjesinde qatysýshylardan bes atys jáne travmatıkalyq qarý, qoldan jasalǵan kastetter, bıtalar men pyshaqtar, sondaı-aq RGD-5 granatasy tárkilendi. Tárkilengen qarý boıynsha saraptama taǵaıyndaldy.

«Qylmystyq toptyń jeti múshesi ustaldy. Onyń ishinde eń belsendi úsh qatysýshysy ýaqytsha ustaý ızolıatoryna qamaldy. Jedel-tergeý sharalary jalǵasýda. Tergeý Qazaqstan Respýblıkasy Qylmystyq kodeksiniń birneshe baby boıynsha júrgizilip jatyr», – dedi QR ІІM uıymdasqan qylmysqa qarsy kúres departamentiniń ókili Qýandyq Alpys.