Pavlodar oblysynda balyqqa ketken adamnyń ólimine ne sebep boldy

<p>PAVLODAR. KAZINFORM &ndash; Pavlodar oblysy Aqtoǵaı aýdanynyń turǵyny ózdiginen júretin shanaǵa otyryp, balyq aýlaýǵa ketken. 42 jastaǵy azamat boranda Ertis ózeniniń muzyna shyqqan. Ol adasyp ketken bolýy múmkin.</p>

Pavlodar oblysy polıtsııa departamentiniń baspasóz qyzmetinen habarlaǵandaı, ol qatty boranda adasqanǵa uqsaıdy.

- Balyq aýlaýǵa shyqqan er adamnyń uzaq ýaqyt oralmaýynan kúdiktengen týysqandary polıtsııaǵa habarlasqan. Joǵalǵan azamatty izdeýge qyzmettik ıtteri bar kınologtar, eriktiler jáne tikushaq jumyldyryldy. Arada 13 saǵat ótkende Aqtoǵaı aýylynan 3 shaqyrym jerde, Ertis jaıylmasynan er adamnyń múrdesi tabyldy,-dep málimdedi departamenttiń baspasóz qyzmetinen.

Aldyn ala boljam boıynsha, ol ózdiginen júretin tehnıkadan abaısyzda qulap, shana tabanynda janshylyp qalǵan bolýy kerek.

Osyǵan deıin Pavlodar oblysynda balyq aýlaýǵa ketken adamnyń denesi tabylǵanyn jazǵan edik.