Pavlodar oblysynda avtogaz tapshylyǵy bar ma

<p>PAVLODAR. KAZINFORM - Ertis-Baıan óńiriniń aýmaǵynda avtólik gazyn satatyn 97 stansa bar. Olardyń 13-i búginde kógildir otyndy talon boıynsha jiberip jatyr.</p>

Pavlodar oblystyq energetıka jáne turǵyn úı-kommýnaldyq sharýashylyq basqarmasynyń habarlaýynsha, óńirde avtogaz tapshylyǵy baıqalmaıdy.

- Qazan aıyna bólingen 480 tonna suıytylǵan munaı gazy «Pavlodar munaı-hımııa zaýyty» qorynda bar. PMHZ qorynda gaz qaldyqtary saqtalyp otyrýyna baılanysty aımaqta tapshylyq baıqalmaıdy. Alaıda óńirimizdegi avtogaz satýmen aınalysatyn 17 mekemeniń 2-ýinde suıytylǵan gaz qory taýsylǵany sebepti, olar qazir óz janarmaı stansalarynda gazdy talon arqyly satyp jatyr. Negizi oblys boıynsha gaz satatyn 97 stansa bar bolsa, sonyń 13-i talon boıynsha berip jatyr», - dep jaýap berdi basqarmanyń turǵyn úı sharýashylyq bólimi basshysynyń mindetin atqarýshy Álisher Temirtas.

Osy aptanyń sońyna taman qarasha aıyna bólingen 4925 tonna suıytylǵan munaı gazyn PMHZ-dan tasymaldaý bastalady dep josparlanǵan. Nátıjesinde talonmen jumys istep turǵan gaz stansalarynda jaǵdaı turaqtalady dep kútilip otyr.

Atap óteıik, QR Energetıka mınıstrliginiń buıryǵymen Pavlodar oblysyndaǵy avtogaz stansalarynda 1 lıtr suıytylǵan gaz baǵasy 81 teńge mólsherinde bekitilgen.

Buǵan deıin elimizdiń Energetıka mınıstrligi avtogaz tapshylyǵy qalyptasyp otyrǵan batystaǵy 3 óńirge qosymsha gaz jóneltiletinin málimdegen.