Pavlodar oblysynda aýdannyń jer qatynastary bóliminiń basshysy sottaldy

<p>ASTANA. KAZINFORM &mdash; Ertis aýdanynda prokýrorlyq tekseris kezinde aýdany 3 myń gektardan asatyn 2 jer ýchaskesin iri sharýashylyqqa zańsyz berý faktileri anyqtaldy.</p>

«Oń qorytyndy alý úshin jer qatynastary bólimi jer komıssııasynyń qaraýyna burmalanǵan derekterdi usynǵan. Atap aıtqanda, eldi mekender jerleriniń sanaty bosalqy jáne aýyl sharýashylyǵy maqsatyndaǵy jerlerge aýystyrylǵan.

Osyndaı áreketterdiń nátıjesinde memleketke jerdi jalǵa alý somasyn 80 mln teńgege tómendetý túrinde zalal keltirildi, sondaı-aq jaıylymdardyń tapshylyǵy saldarynan jeke mal basyn májbúrlep tómendetken aýyl turǵyndarynyń quqyqtary buzyldy», — dep jazdy Bas prokýratýradan.

Prokýrorlyq qadaǵalaý aktisi boıynsha jerler memleketke qaıtaryldy jáne qazir jergilikti halyqtyń ortaq paıdalanýynda.

Laýazymdyq ókilettikterin teris paıdalaný faktisi boıynsha oblys prokýratýrasy sotqa deıingi tergeý júrgizdi.

«Bıylǵy 22 mamyrda sot úkimimen jer qatynastary bóliminiń basshysy QK-tiń 361-babynyń 4-bóligi 3)-tarmaǵy boıynsha kináli dep tanylyp, 3 jylǵa bas bostandyǵynan aıyryldy», — dep tolyqtyrǵan baqylaýshy organ.