Pavlodar oblysynda apatty mektepter máselesi qalaı sheshildi

<p>Pavlodar oblysynda apatty jaǵdaıdaǵy mektepterdiń máselesi sheshildi. Bul týraly Oqý-aǵartý mınıstriniń oblysqa jumys saparynda belgili boldy, dep habarlaıdy K<a href="https://kaz.inform.kz/" target="_blank" rel="noopener">azinform</a> mınıstrlikke silteme jasap.</p>

Óńir ákimdiginiń habarlaýynsha, jaramsyz, eskirgen ǵımarattardyń ornyna zamanaýı úsh mektep boı kótergen.

Osy jyldyń qazan aıynda Jelezın aýdany Moıseevka aýylynda, qarasha aıynda Baıanaýyl aýdany Qarajar aýylynda mektepter paıdalanýǵa berildi.

Pavlodar aýdany Sychevka aýylynda jańa mekteptiń qurylysy aıaqtalyp qaldy.

Úsh aýysymdy mektepter máselesin jáne oqýshy orny tapshylyǵyn sheshý úshin Bilim ınfraqurylymyn qoldaý qory esebinen Sh. Shókın atyndaǵy orta mektepke qosalqy qurylys nysany paıdalanýǵa berildi.

Budan basqa, «Jaıly mektep» jobasy aıasynda bıyl oblysta 1800 oryndyq eki mekteptiń qurylysy bastaldy, al 2024 jyly 3600 oryndyq úsh mektep salý josparlanǵan. 

«Zamanaýı mektep» jobasy boıynsha oblystaǵy úsh qalada 6 mektepke kúrdeli jóndeý jumystary júrgizildi.

Sondaı-aq 54 mektep jańartylyp, 33 mektepte kúrdeli jóndeý jumystary aıaqtaldy.

Aıta keteıik, Pavlodar oblysynda barlyǵy 361 mektep bar, onda 116 myń oqýshy bilim alyp júr.