Pavlodar oblysynda 815 otbasy qundy qaǵazdar esebinen baspanamen qamtylady

<p>PAVLODAR. KAZINFORM - Pavlodar oblysynyń bıligi turǵyn úı kezeginde turǵan otbasylardy baspanamen qamtýǵa jalpy somasy 12,8 mlrd teńge bolatyn qundy qaǵazdardy baǵyttap jatyr. Bul qarajat 815 otbasyn baspanamen qamtýǵa jetedi.</p>

Bıyl oblysta turǵyn úı kezeginde turǵan azamattardyń máselesin sheshý úshin 3 mlrd teńge qarajat qundy qaǵazdar túrinde baǵyttaldy. Biraq bul páterlerge kirgen otbasylar ony satyp ala almaıdy. Al keıin satyp alý quqyǵy beriletin páterlerge odan 4 ese kóp qarajat, ıaǵnı 12,8 mlrd teńge bólinip otyr.

- Biz bıylǵy maýsym aıynan beri qundy qaǵazdardy shyǵarýdy qolǵa aldyq. Memlekettik qundy qaǵazdardyń jalpy somasy – 12,8 mlrd teńge. Bul qarajatqa kezekte turǵan 815 otbasyny satyp alý quqyǵy beriletin baspanamen qamtımyz. Tek Pavlodar qalasy boıynsha qundy qaǵazdar arqyly 480 páter satyp alynýy kerek, - dep habarlady oblystyq ekonomıka jáne bıýdjettik josparlaý basqarmasynyń basshysy Irına Nazarchýk.

Áleýmettik turǵyn úı qurylysyna bıyl bıýdjet qarajaty qarastyrylmaǵan. Esesine ıpotekalyq baǵdarlama jaqsy jumys istep tur. ıAǵnı qurylys kompanııalary úı salady da, ony Otbasy bank arqyly ıpotekaǵa shyǵarady.

Buǵan deıin «Aýyl — el besigi» baǵdarlamasy boıynsha Pavlodarda 15 aýyl jańaratynyn habarlaǵanbyz.