Departament júkti áıelderdi jalǵan jumysqa ornalastyrý shemasyn uıymdastyrǵan tulǵalar tobyna qatysty tergeý júrgizip jatyr.
Zeınetaqy tóleý jónindegi memlekettik ortalyq bóliminiń basshysy kásibı bilimin paıdalana otyryp, shemany iske asyrý úshin elektrondyq tsıfrlyq qoltańbalaryna qoljetimdiligi bar kásipkerlerdiń birqataryna qyzmet kórsetetin býhgalter týysyn tartqan.
— Býhgalter atalǵan ETsQ-lardy ıeleriniń ruqsatynsyz paıdalanyp, jalǵan jumysqa qabyldaý týraly buıryqtardy, eńbek qatynastary zańdy túrde rásimdelgendeı kórinetin ózge de qujattardy daıyndaǵan. Sonymen qatar birneshe tanys adam tartylyp, olardyń mindetine júkti áıelderdi tabý jáne usynylyp otyrǵan rásimdeýdiń zańdy ekenine sendirý kirgen. Usynylǵan jalǵan derekter negizinde ýákiletti organdarda járdemaqylar taǵaıyndalǵan. Alynǵan qarajat keıinnen shemanyń qatysýshylary arasynda bólingen, — delingen habarlamada.
Nátıjesinde 13 jeke kásipkerdiń atynan 50-den astam júkti áıelge 6 mln teńgege deıin ósirilgen járdemaqylar tólengen. Memleketke keltirilgen zalal 200 mln teńgeden asty. Sot sanktsııasymen kúdiktilerdiń 3 avtokóligine tyıym salyndy. Tergeý jalǵasady.
Eske sala keteıik, buǵan deıin Abaı oblysynda 7 mlrd teńgege jýyq qarjy jymqyrǵan uıymnyń qyzmeti áshkere bolǵanyn jazdyq.