Pavlodar oblysynda 5 mlrd teńgeniń jaıylym alqaby halyqqa qaıtaryldy

<p>PAVLODAR. KAZINFORM &ndash; Pavlodar oblysynda&nbsp; Aqqýly aýdany prokýratýrasynyń qadaǵalaý aktisi boıynsha 5 mlrd teńgeniń jaıylymdyq jerleri halyqqa qaıtaryldy. Bul týraly Pavlodar oblysynyń prokýratýrasy málimdedi.&nbsp;</p>

Jer zańnamasynyń saqtalýyna júrgizilgen taldaý paıdalanylmaı jatqan nemese zań buzýshylyqpen paıdalanylǵan 36 myń ga aýyl sharýashylyǵy jerlerin anyqtady.

«Keıbir jaǵdaılarda egistik jerler jyldar boıy bos turyp, jaıylym paıdalanýshylar atynda birde-bir mal tirkelmegen. Eldi mekenderdiń 24 myń ga jýyq jeri sharýashylyq júrgizýshi sýbektilerdiń paıdalanýyna zańsyz berilgen», — delingen habarlamada.

Prokýratýranyń aktisi boıynsha tapshylyqty azaıtý úshin bir aıdan az ýaqyt ishinde kadastrlyq quny 5 mlrd teńge bolatyn 4 myń gektardan astam jaıylym halyqqa qaıtaryldy.

On jaıylym alqaby maqsatty paıdalanýǵa berildi. 

Áreketsizdigi úshin aýmaqtyq jer qatynastary bóliminiń basshysy tártiptik jazaǵa tartyldy.