Pavlodar oblysynda 31 shaqyrym jylý jelisi qaıta jóndeldi

<p>ASTANA. KAZINFORM &mdash; Bıyl Pavlodar oblysynda jylytý maýsymyna daıyndyq barysynda jylý jelilerin salý, qaıta qurý jumystaryna 25 mlrd teńge bólindi. Odan bólek, aýyzsý máselesin sheshýge 16,4 mlrd teńgege 18 joba iske asyryldy.</p>

«Oblystyń ınjenerlik ınfraqurylymynyń ábden tozyǵy jetken. Sondyqtan, bul máseleni sheshý, jelilerdi jańartý jáne energııa kózderin damytý bizdiń kúndelikti jumys. Jyl saıyn jóndeý naýqanyn biz 3 qalanyń táýelsiz jylý-tehnıkalyq aýdıtiniń qorytyndysy jáne júrgizilip jatqan gıdravlıkalyq synaqtar negizinde uıymdastyrdyq. Bıyl jylytý maýsymyna daıyndyq kezinde 25 mlrd teńgege 31 shaqyrymnan astam jylý jelilerin salý, qaıta qurý jáne jóndeý jumystaryn júrgizdik. Sonymen qatar, uzyndyǵy 4 jańa jylý magıstrali salyndy, 9 jáne 19,3 shaqyrym jeli jóndeldi. Bul kommýnıkatsııalardaǵy apattar qaýpin azaıtýǵa múmkindik berdi, alaıda atqaratyn jumys jeterlik», — dedi oblysy ákimi Asaıyn Baıhanov Ortalyq kommýnıkatsııalar qyzmeti alańynda ótken baspasóz máslıhatynda.

Odan ári oblys ákimi halyqty taza aýyzsýmen qamtý máselesin kóterdi. 

«Sýmen jabdyqtaý jáne sý burý júıeleriniń qurylysyn belsendi júrgizip jatyrmyz. Bul salada 16,4 mlrd teńgege 18 joba iske asyryldy. Qala turǵyndarynyń sýmen qamtamasyz etý kórsetkishi 97%-dan 98,5%-ǵa ulǵaıdy. Al aýyl turǵyndaryna sapaly aýyz sý 99,3%-ǵa qamtylǵan. Kelesi jyly biz bul kórsetkishti 100%-ǵa jetkizýdi josparlap otyrmyz», — deıdi óńir basshysy.

Eske salsaq, Pavlodar oblysynda sýarmaly egis alqaptary 12,7 myń gektarǵa ulǵaıǵany belgili boldy.