Pavlodar oblysynda 18 úı sý astynda qaldy

<p>PAVLODAR. KAZINFORM - Jedel shtabtyń aqparynsha, óńir boıynsha Pavlodar, Aqtoǵaı, Jelezın, Ýspen, Ertis jáne Tereńkól aýdandaryndaǵy jekelegen úılerdi sý basqan. Jalpy sany 8 ýchaske baqylaýda tur.</p>

Óńirde qarǵyn sý júre bastaǵaly jalpy sany 18 úı sý astynda qalǵan. 

«Qazirgi ýaqytta 5 úıden sý soryp shyǵaryldy, 13 úıde jumystar jalǵasyp jatyr. Olar - Aqtoǵaı aýdanynyń Jalaýly aýylynda, Ýspen aýdanynyń Ýspen jáne Voznesenka aýyldarynda, Aqqýly aýdanynyń Qazy aýylynda. Sý kirgen 18 úıde jalpy sany 88 turǵyn bar. TJD kúshimen Aqtoǵaı aýdanynyń Jalaýly aýylynan 2 otbasy (9 adam) kóshirildi. Olar ýaqytsha týystarynyń úılerin panalaı turady. Barlyq zardap shekkenderge áleýmettik jáne materıaldyq kómek kórsetiledi», dep habarlady Pavlodar oblysy ákiminiń baspasóz qyzmetinen.

Eki respýblıkalyq, úsh oblystyq mańyzy bar avtojoldardyń ústine sý jaıylǵan. Qutqarýshylar joldardyń jıegin bekitip jatyr. Ázirshe kólik qatynasy úzilgen joq. 

Sý tasqynyna qarsy is-sharalarǵa 446 adam, 98 birlik tehnıka, 85 motopompa, 2 júzý quraly jumyldyryldy. Úsh táýlik ishinde 160 myń tekshe metrden astam sý soryldy, 3,5 myń tonna ınertti materıal tógilip, 6 myńǵa jýyq qap tóseldi.

Óńirde táýlik boıy jumys isteıtin oblystyq shtab jumys istep tur.