Pavlodar oblysyna Reseıden bıdaı jetkizgen úsh júk kóligi keıin qaıtaryldy

<p>PAVLODAR. KAZINFORM &mdash; Baqylaý beketiniń mamandary júk tasymaldaýshylar arasynda fıtosanıtarııalyq talaptardyń buzylýyn anyqtady. Óńdeletin ónimderdi tasymaldaǵan úsh júk kóligi ımporttaýshy elge qaıtaryldy.</p>

Pavlodarnews.kz habarlaǵandaı, jyl basynan beri Reseı Federatsııasynan Pavlodar oblysyna 35,3 myń tonna taǵamdyq, 9 myń tonna tuqymdyq bıdaı ákelingen. Bul týraly oblystyq aýmaqtyq ınspektsııa basshysy Arman Shúıkenov málim etti.

Foto: Valerıı Býgaev

— Syrttan jetkiziletin, karantınge jatqyzylǵan ónimder oblystyq karantındik zerthanada tekseriledi. Jyl basynan beri 1949 karantındik fıtosanıtarııalyq qorytyndy shyǵaryldy. Óńdeletin ónimderdi tasymaldaǵan 3 júk kóligi ımporttaýshy elge, ıaǵnı Reseıge qaıtaryldy, - deıdi A.Shúıkenov.

Turaqty is-sharalar men reıdterdiń nátıjeleri boıynsha Pavlodar oblysynda fıtosanıtarııalyq jaǵdaı qolaıly dep aıtýǵa bolady.

Eske sala keteıik, qazaq bıdaıyn negizinen Qytaı, Italııa, Ózbekstan men Aýǵanstan satyp alady.