Pavlodar oblysy: Jaldaý quny 50 mln teńge bolatyn jer 60 myńǵa berilgen

<p>Pavlodar oblysynda jerdiń 70%-y aýyl sharýashylyǵy maqsatynda paıdalanylady jáne olardyń basym bóligi jeke menshikte, dep habarlaıdy Kazinform oblystyq prokýratýranyń baspasóz qyzmetine silteme jasap.</p>

Tekseris barysynda eldi mekender sheginde jaıylymdyq jerler men egistikter úshin jer ýchaskelerin berip, mindetti konkýrstyq rásimderdi elemeı, paıdalanǵany úshin tólemdi azaıtyp, laýazymdy tulǵalardyń quzyretine kirmeıtin sheshimder qabyldaǵan eleýli buzýshylyqtar anyqtaldy.

Atap aıtqanda, bir ýchaske boıynsha jalǵa alýdyń jyldyq quny 50 mln. teńgeniń ornyna 60 myń teńge dep belgilengen.

Anyqtalǵandaı, halyqtyń qajettilikteri úshin jaıylymdyq jerler tapshylyǵy bola tura, olar «bir qolǵa» berilgen.

Mysaly, Ertis aýdanynda 47 myń ga tapshylyq bolsa da, jer jeke tulǵalarǵa zańsyz berilgen.

Osyndaı faktilerdiń biri boıynsha atalǵan aýdanda sot tártibimen aýdany 3 myń gektardan asatyn jaıylymdardy qaıtarý qamtamasyz etildi.

Jer qatynastary salasynda laýazymdyq ókilettikterdi asyra paıdalaný faktileri boıynsha oblys prokýratýrasy Qylmystyq kodekstiń 361-baby 4-bóliginiń 3-tarmaǵy boıynsha sotqa deıingi tergep-tekserýdi bastady.

Tekserýler jalǵasýda.