Pavlodar oblysy sý tasqynynyń ekinshi kezeńine daıyndalyp jatyr

<p>PAVLODAR. KAZINFORM &mdash; Ertis ózeni arqyly aǵyp kele jatqan mol sýdan týyndaıtyn qaýiptiń aldyn alý maqsatynda oblystyq jedel shtab quryldy. Oıpań tustarda ornalasqan eldi mekenderdiń aınalasyndaǵy topyraq úıindileri bıiktetilip, qum toltyrylǵan qaptar qoıylyp jatyr.</p>

Buǵan deıin habarlaǵanymyzdaı, Ertiske Shyǵys Qazaqstandaǵy qoımalardan sý jiberile bastady.

Pavlodar oblysynyń ákimi Asaıyn Baıhanov málim etkendeı, keıingi 11 jylda alǵash ret Ertis jaıylmasynyń 90 paıyzyn sý basady dep kútilip otyr. 

Foto: Pavlodar oblysynyń tótenshe jaǵdaılar departamenti

Tótenshe jaǵdaı qyzmetiniń mamandary mundaı shamadaǵy mol sý Ertis ózeniniń oıpań jerlerinde ornalasqan eldi mekender úshin úlken qaýip tóndirýi múmkin ekenin eskertti. Soǵan oraı qazirgi ýaqytta Pavlodar qalasynyń irgesindegi aýyldarda, Aqsý qalasynda, Aqtoǵaı, Ertis, Aqqýly, Pavlodar, Maı, Tereńkól aýdandarynda tasqynqa qarsy is-sharalar qolǵa alyndy.

Foto: Pavlodar oblysynyń tótenshe jaǵdaılar departamenti

— Ertis boıynda 14 gıdrobeket ornatylyp, ózendegi sý deńgeıi táýlik boıy baqylanyp otyr. Qazirgi ýaqytqa deıin 55 670 tonna ınertti materıal tógilip, 4750 dana qum toltyrylǵan qaptar qoıyldy. 13 myńǵa jýyq ınertti matrıaldary bar qap daıyndalyp qoıdy. Sý tasqynynyń aldyn alý sharalaryna jergilikti atqarýshy organdardan 67 tehnıka men 156 adam jumyldyryldy, -dep habarlady óńirlik tótenshe jaǵdaıdar departamentiniń baspasóz qyzmetinen.