Pavlodar oblysy Maı aýdanynyń ákimi aýysty
Qazaqstan Respýblıkasy Prezıdenti Ákimshiliginiń jáne Maı aýdandyq máslıhatynyń kelisimi boıynsha, óńir basshysynyń ókimimen Maı aýdanynyń ákimi bolyp Qadyljan Sátıev taǵaıyndaldy.
Qadyljan Qaıyrbekuly 1985 jyly týǵan.
Eki joǵary bilimi bar.
2007 jyly S. Toraıǵyrov atyndaǵy Pavlodar memlekettik ýnıversıtetin «Ónerkásiptik jáne azamattyq qurylys jáne qalalyq sharýashylyq» mamandyǵy boıynsha, 2013 jyly Almaty ekonomıka jáne statıstıka akademııasyn «Ekonomıka jáne bıznes» mamandyǵy boıynsha aıaqtaǵan.
Eńbek jolyn 2005 jyly jeke sektorda bastady.
Memlekettik qyzmetti 2009 jyly Pavlodar oblysynyń tabıǵı resýrstar jáne tabıǵat paıdalanýdy retteý basqarmasy bas mamany bolyp bastady.
Bul basqarmada mamannan basqarma basshysyna deıingi eńbek jolynan ótti.
2021 jyldan bastap Pavlodar oblysynyń qurylys basqarmasy basshysy qyzmetin atqardy.
2024 jyly Qadyljan Sátıev Qazaqstan Respýblıkasy Memlekettik qyzmet isteri agenttiginiń «Úzdik memlekettik qyzmetshi» vedomstvolyq nagradasymen marapattaldy.
Asaıyn Baıhanov jańa ákimniń aldyna birinshi kezektegi mindetterdi qoıdy.
— Eń tıimdi jobalardy anyqtap, olardy naqty aıaqtalý merzimderimen iske asyrý boıynsha egjeı-tegjeıli jospar ázirleý qajet. Barlyq resýrstardy jandandyryp, olardy aýdannyń ekonomıkalyq kórsetkishterin arttyrýǵa baǵyttaý qajet, — dep atap ótti óńir basshysy.
Mańyzdy baǵyttar — ótkir áleýmettik máselelerdi sheshý, ınvestıtsııalar tartý, aýdannyń agroónerkásiptik keshenin damytý, lımandy sýarý jobalaryn iske asyrý bolyp qala beredi.