Pavlodar oblysy ákiminiń jańa orynbasary taǵaıyndaldy

<p>PAVLODAR. KAZINFORM &mdash; QR Prezıdenti Ákimshiliginiń kelisimi boıynsha, oblys ákimi Asaıyn Baıhanovtyń ókimimen Qabyltaeva Áıgerim Jańbyrtaıqyzy Pavlodar oblysy ákiminiń ınvestıtsııalar jáne bıznesti damytý boıynsha orynbasary laýazymyna taǵaıyndaldy.</p>

Óńirlik ákimdiktiń baspasóz qyzmeti habarlaǵandaı, jańa orynbasar kásipkerlik jáne ındýstrııalyq-ınnovatsııalyq damý, aýyl sharýashylyǵy, jer qoınaýyn paıdalaný, qorshaǵan orta jáne sý resýrstary, veterınarııa jáne jer qatynastary basqarmalarynyń jumysyna jetekshilik etetin bolady.

Áıgerim Janbyrtaıqyzy 1984 jyly týǵan. «Bakalavr-hımııa» mamandyǵy boıynsha joǵary bilimi jáne ekologııa magıstri dárejesi bar.

Eńbek jolyn 2007 jyly Pavlodar oblysynyń qorshaǵan ortany qorǵaý basqarmasynyń jetekshi mamany bolyp bastap, keıin oblystyq jer qoınaýyn paıdalaný, qorshaǵan orta jáne sý resýrstary departamentinde basshylyq laýazymdarda qyzmet atqardy.

2021 jyldan bastap osy laýazymǵa taǵaıyndalǵanǵa deıin Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasynyń basshysy bolyp eńbek etti.

Eske sala keteıik, buǵan deıin Aqtaý qalasynyń ákimi taǵaıyndaldy.