Pavlodar munaıhımııa zaýyty AI-93 pen AI-94 benzınin óndirýdi toqtatty

ALMATY. Naýryzdyń 26-sy. QazAqparat /Erlik Erjanuly/ - Qazaqstandaǵy 3 munaı óńdeý zaýytynda óndiriletin benzın markasy birdeı boldy. Bul jaıly búgin Almatyda ótip jatqan І "Munaı ónimderi marketıngi" halyqaralyq konferentsııasynda aıtyldy,

dep habarlaıdy QazAqparat.

"Naýryzdyń 1-inen bastap Pavlodar munaıhımııa zaýyty benzınniń AI-93, AI-94 markalaryn óndirýdi toqtatyp, AI-92 men AI-95 óndirýge kóshti. Sonyń nátıjesinde Atyraý, Pavlodar jáne Shymkent qalalaryndaǵy 3 munaı óńdeý zaýyty birdeı benzın markalaryn shyǵara bastady", deıdi Pavlodar munaıhımııa zaýytynyń Bas dırektory Shýhrat Danbaı. Onyń aıtýynsha, búgingi tańda "Gelıos" JShS AI-93 markasyna jýǵysh ústeme qosyp "Eco Force" benzınin shyǵarýda. Al otandyq zaýyttarǵa jýǵysh ústeme shyǵarý talaby kúzge shegerilip otyr. Bul óndiristik úderis óńdeý zaýyttary daıyn bolǵan kezde júzege asyrylmaq.