Pavlodar munaı zaýyty zańnama talaptarynyń buzylý jaǵdaıyna túsinik berdi

NUR-SULTAN. QazAqparat – «Pavlodar munaıhımııa zaýyty» atom energııasy salasyndaǵy zańnama talaptaryn buzylý jaǵdaıyna qatysty pikir bildirdi. Bul týraly QazAqparat zaýyttyń baspasóz qyzmetine silteme jasap habarlaıdy.

Taratylǵan aqparatqa qaraǵanda, buzýshylyqtar «ıondaýshy sáýle shyǵarý kózderin» qoldanýdyń naqty qujattalǵan sıpatyna ıe ekendigin aıtýda.

«Kásiporyndaǵy radıologııalyq jaǵdaı turaqty dozımetrlik baqylaýǵa sáıkes gamma-sáýlelenýdiń ruqsat etilgen deńgeıinen aspaıdy.Jumyskerler men turǵyndardyń qaýipsizdigine qaýip tónbeıdi. Jabdyqtar jaqsy kúıde jáne ıondaýshy sáýlelený kózderimen jumys isteýge arnaıy daıarlaýdan ótken jumyskerlerdiń baqylaýynda», - delingen habarlamada.

Eske salsaq, QR Energetıka mınıstrligi «Pavlodar munaı-hımııa zaýyty» JShS-da atom energııasy salasyndaǵy normatıvtik-quqyqtyq aktilerdiń talaptary oryndalmaıtyndyǵyn anyqtap, dabyl qaqqan bolatyn.