Pavlodar munaı óńdeý zaýyty jóndeýden soń qaıta iske qosyla bastady

<p>PAVLODAR. KAZINFORM - &laquo;PMHZ&raquo; JShS josparly-aldyn alý jumystaryn oryndaýdyń sońǵy kezeńine shyqty. Zaýyt boıynsha oryndalǵan jumystardyń ortasha kórsetkishi 98,5% -dy qurady.&nbsp;</p>

Zaýyttyń jurtshylyqpen baılanys bóliminen habarlaǵandaı, kóptegen iri qondyrǵylardaǵy jóndeý jumystary tolyǵymen aıaqtaldy.

«Kásiporyn josparly jóndeý jumystaryna toqtaǵan kezde munaı ónimderiniń barlyq rezervtik qorlarynyń kólemi eki eseden astam qysqardy. Bul bekitilgen úzdiksiz tıeýdi qamtamasyz etý josparynyń sheńberine kiredi. Jóndeý jumystary sheńberinde josparlanǵan barlyq is-sharalar qaýipsizdik tehnıkasy jáne qorshaǵan ortany qorǵaý qaǵıdalaryna qatań sáıkestikte júzege asyrylyp jatyr. Energetıka mınıstrligi bekitken kestege sáıkes óndiristi iske qosý osy aptanyń sońyna deıin kútilýde», - dep málimdedi zaýyttan.

Kásiporyn tolyq óndiristik qýatyna 16 shildege deıin shyǵady dep josparlanyp otyr.

Eske sala keteıik, maýsym aıynda Pavlodar munaı-hımııa zaýyty jóndeýge jabylǵany týraly jazǵan edik.