Pavlodar munaı hımııa zaýytynyń basshysy Ospanbek Alseıitov eki aıǵa qamaldy
13:28, 10 Aqpan 2022
PAVLODAR. QazAqparat - Pavlodar oblysynda bıýdjet qarajatyn jymqyrý faktisi anyqtaldy, dep habarlaıdy QazAqparat Qarjy monıtorıngi agenttigine silteme jasap.
Pavlodar oblysy boıynsha qarjylyq monıtorıng agenttiginiń aýmaqtyq departamenti dızel otynyn óndirý protsesin kompaýndırleý boıynsha «PMHZ» JShS fýnktsııalaryn aýtsorsıngke zańsyz ıelikten shyǵarý faktisin anyqtady.
Ol boıynsha «Pavlodar munaı-hımııa zaýyty» JShS bas dırektory O. B. Alseıtov jáne basqa da tulǵalarǵa qatysty QR QK 189-baby 4-bóligi 2-tarmaǵy boıynsha sotqa deıingi tergeý bastaldy.
«PMHZ» JShS dırektory O.B. Alseıtovke qatysty mamandandyrylǵan tergeý sotynyń qaýlysymen eki aı merzimge «kúzetpen ustaý» túrindegi bultartpaý sharasy sanktsııalandy.
Atalǵan fakti boıynsha sotqa deıingi tergeý jalǵasyp jatyr.
QPK 201-baby tártibinde tergeý múddesindegi ózge aqparat jarııa etýge jatpaıdy.